Kryeministri i Shqipërisë, Edi Rama ndau sot në rrjetet sociale pamje nga bujtina e parë në fshatin Bashaj, e cila po tërheq gjithnjë e më shumë turistë këtë vjeshtë.

Ai theksoi se kjo bujtinë ofron një përvojë unike, duke i lejuar vizitorët të përjetojnë historinë, traditën dhe shijen autentike të kuzhinës vendase.

“Në këta muaj të artë vjeshte, me thjeshtësinë e një shtëpie mikpritëse të kuruar me kujdes, rrethuar nga bukuritë e pangjashme të natyrës, në bujtinën e parë të fshatit Bashaj në Lumin e Vlorës, po shtohen përditë turistët e huaj që duan të njohin historinë, traditën dhe shijen autentike të produkteve e kuzhinës vendase”, tha Rama.

Rama nënvizoi se turistët kanë mundësinë të gatuajnë dhe të shëtisin me të zotët e shtëpisë, duke krijuar kujtime të veçanta nga kjo zonë të bukur, ende të paeksploruar.

“Për ta shijuar të plotë këtë përvojë, po gatuajnë e po shëtisin bashkë me të zotët e shtëpisë. Kujtimet që marrin me vete, prej këtyre maleve ende të paeksploruar, janë unike”, pohon Rama./Arbresh.info